2024 жылғы 18-22 қараша аралығында, «Бағдарламалық қамтамасыз ету» циклдік комиссиясының шығармашылық апталығы аясында «Бағдарламалық қамтамасыз ету» және «Есептеу техникасы және ақпараттық желілер» мамандықтарының 1-курс студенттеріне арналған «Цифрлы әлемге жол» тақырыбында мастер-класс өткізілді.

Бұл шараның негізгі мақсаты – 1-курс студенттеріне цифрлық технологиялардың негіздерін таныстыру және оларды болашақ білім мен кәсіп салаларында тиімді қолдануға бағыттау. Студенттерге цифрлық дағдыларды дамыту, жаңа технологияларды меңгеру, сондай-ақ сандық әлемде табысты мансап құру үшін қажетті құралдар мен ресурстарды ұсыну болды.

Мастер-класста «WorldSkills Astana – 2024» және «ҮЗДІК-2024» қалалық байқауларының жеңімпаздары өз құзіреттіліктері бойынша тәжірибелерімен бөлісті:

1. Искаков Рахымжан: “Основы программирования: Принцип работы процессора”

Рахымжан мастер-класста бағдарламалау негіздері мен процессордың жұмыс принциптері туралы түсінік беріп, студенттерді осы саладағы заманауи технологиялармен таныстырды.

2. Халенов Мирас: “Web-разработка: Fullstack”

Мирас веб-дамыту бойынша толық стек (Fullstack) тәсілін көрсетіп, интернет-қосымшалар жасау процесінің барлық кезеңдерін егжей-тегжейлі түсіндірді.

3. Абдиғани Нұрасыл: “Мобильді қосымша”

Нұрасыл мобильді қосымшаларды дамыту мен олардың жұмыс істеу принциптері туралы мағлұмат беріп, студенттерге мобильді платформаларда бағдарламалар жасауды үйретті.

4. Тіржанов Альнияз: “FPS “Aurora””

Альнияз видеойындардың дамуы мен FPS (First Person Shooter) жанрына қатысты өз тәжірибесін бөлісіп, «Aurora» атты ойын жобасының қалай жасалғанын көрсетіп, студенттерге ойын жасау өнерінің қыр-сырымен таныстырды.

Қатысушылар мен студенттер арасында жоғары деңгейдегі пікірталастар мен тәжірибе алмасу үрдісі жүріп, цифрлы технологиялар мен бағдарламалау саласында жаңа білім мен дағдыларды игеруге мүмкіндік берді.