Бүгін, 2025 жылдың 16 мамырында, Астана қаласының техникалық және кәсіптік білім беру жүйесінің студенттерінің арасында жұмысшы мамандықтарының мәртебесін көтеруге бағытталған WorldSkills Astana 2025 X қалалық чемпионаттың салтанатты ашылуы өтті.

 Кәсіби шеберлік конкурсына Қазтұтынуодағының жоғары колледжінің студенттері 17 құзыреттілік бойынша қатысады!

Қатысушыларға сонымен қатар эксперт-компатриоттарға кәсіби табыс және жеңіс тілейміз!

 WorldSkills — жай ғана конкурс емес. Бұл еңбек, талант және жоғары жетістіктерге ұмтылу бағаланатын болашаққа арналған алаң!

Ұлы Жеңіс – тарихымыздың ажырамас бөлігі және күллі әлем үшін үлкен сабақ. Біз осы ақиқатты әрдайым есте сақтауымыз керек.

Аға буынның өшпес ерлігі – ұрпаққа ұлағат. Отаншылдығы мен жанқиярлығы – үлгі-өнеге. Біз Ұлы Отан соғысының ардагерлерін ешқашан ұмытпаймыз!

5 мамыр күні Астана қаласы Қазтұтынуодағының Жоғары колледжінде «Біртұтас тәрбие» бағдарламасы аясында «Отаншылдық және спорт-ұлттың рухы» дене тәрбиесі және алғашқы әскери технологиялық дайындық пәндері апталығының барысында «Отан қорғаушылар күні» мен «Ұлы Жеңістің 80 жылдығына» арналған мерекелік «Ел тірегі - рухты сарбаз» саптық және ән - шеру, спорттық , әскери жаттығулар сайысы өтті.

Мұндай шаралар студенттердің патриотизмін арттыру, әскери қызметке, Отанға деген сүйіспеншілікті тәрбиелеу мақсатында ұйымдастырылды.

Сайыстың қонағы ретінде ҚР Қарулы күштерінің және ауған соғысының ардагері Сәрсенхан Әзімбайұлы қатысты.

“Салауатты өмір салты, біз спортты жақсы көреміз»

2 мамыр күні Астана қаласы Қазтұтынуодағының жоғары колледжінде Дене тәрбиесі және алғашқы әскери және технологиялық дайындық пәндерінің апталығы аясында “Салауатты өмір салты, біз спортты жақсы көреміз» І курс студенттері, топ жетекшілерінің арасында сергітетін және ұйымшылдықты арттыратын көңілді эстафеталық ойындар ұйымдастырылды. Бұл іс-шараның мақсаты – студенттер арасында салауатты өмір салтын насихаттау, бірлік пен достықты нығайту болды.

Ойын барысында әр командалар бірнеше кезеңнен тұратын эстафеталық сайыстарға қатысты. Олар жылдамдық, ептілік және ұжымдық үйлесімділікті талап ететін түрлі тапсырмаларды орындады. Жылдамдыққа жүгіру, дөңгелектен өту, «Қырықаяқ», «Вертолет» ойындары ерекше қызықты болды. Студенттер бұл шарадан үлкен қуаныш алып, дене шынықтырудың маңыздылығын түсінді. Ойындар студенттердің денсаулығын нығайтып қана қоймай, командалық рух береді, ұйымшылдық пен достыққа тәрбиелейді.