2024 жылдың 14 қараша күні дене шынықтыру пәнінің оқытушысы Темір Қайратұлы “Жеңіл атлетика, оның ішінде төменгі сөре” тақырыбына А-9-24-2 тобында ата-аналар мен педагогтардың қатысуымен ашық сабақ өткізді. Сабақ барысында төменгі сөрені орындау әдістері көрсетілді. Студенттер жаттығуды визуалды түрде көріп, оны қайталап, денсаулықтарына пайдалы екенін түсініп, ойларына түйіп алды. Сабақта қолданылған құралдар: фишкалар, секірткіш, ысқырық. Ата-аналар оң пікірлерін айтып, алғыстарын білдірді

Қазтұтынуодағының жоғары колледжінің директоры, Астана қаласы Кәсіпкерлер палатасы Өңірлік кеңесінің мүшесі М.Т. Кужимов 2024 жылғы 7 қарашада ҚР Ұлттық экономика министрлігінің Вице-министрлері Б.А. Құдайбергенов, А.К. Амрин, ҚР Қаржы вице-министрі Е.Е. Біржанов, ҚР Ауыл шаруашылығы вице-министрі А.С. Сұлтанов, ҚР Өнеркәсіп және Құрылыс вице-министрі О.С. Сапарбеков, “Атамекен” ҚР ҰКП Басқарма төрағасы Р.А. Баталов және бизнес-қоғамдастықтың, мемлекеттік органдар мен ұйым өкілдерінің қатысуымен өткен “Атамекен” ҚР Ұлттық Кәсіпкерлер палатасының XII съезі мен съезалды жұмысына қатысты. Съезде реттеуші және салық саясаты, салықтық әкімшілендіру, салық заңнамасындағы өзгерістер, ауыл шаруашылығын дамыту және өнеркәсіптік даму мәселелері талқыланды, сондай-ақ “сұрақ-жауап” форматындағы бизнестің проблемалық мәселелері көтерілді.

  2024 жылдың 7 қарашасында Қазтұтынуодағының жоғары колледжінде ерекше күн өтті –1 курс студенттерімізді қарсы алып, оларды ресми түрде студенттер қатарына қостық!

2024 жылдың 5 қарашасында Астана қаласындағы Қазтұтынуодағының жоғары колледжінде ВТ-9-24-1 тобының студенттерімен қазақ әдебиетінен ашық сабақ өткізілді. Сабақтың тақырыбы – «Әңгіменің хас шебері. Бейімбет Майлин – 130 жыл».

Сабақты қазақ тілі мен әдебиеті пәнінің оқытушысы Жайимбаева Аяжан Арстанбековна ұйымдастырды. Сабақта жасанды интеллект технологияларын пайдалану арқылы студенттер Бейімбет Майлиннің өмірі мен шығармашылығымен танысты.