«Жұмысшы мамандықтар жылы» аясында Қазтұтынуодағының жоғары колледжінде ұйымдастырылған «Менің мамандығым» атты бейнероликтер байқауына қатысқан бейнеролик. Ұсынған ПО-9-21-1 тобының студенті Халенов Мирас.

2025 жылдың 14 сәуір күні колледжімізде «Жаратылыстану пәндері: кәсіби шеберлікке қадам» атты жаратылыстану пәндері апталығының салтанатты жабылу рәсімі өтті.

Апталық барысында студенттердің ғылыми-танымдық әлеуетін арттыруға бағытталған түрлі байқаулар, зияткерлік ойындар, шеберлік сабақтары мен жобалар ұйымдастырылды.

     Қазақстан Республикасы Президентінің орталығына саяхат

   9 сәуір 2025жылы Астана қаласы Қазтұтынодағының жоғары колледжінің 1 курс студенттері Қазақстан Республикасының Президент орталығына барды.  Музей қызметкерлері Серіков Бақытжар, Аяпбергенова Ботагөз қарсы алып, Қазақстан Республикасының Президенті және экс-президентінің жинақтары, қызметі, кітапханасы Қазақстан Республикасының қалыптасу және даму тарихымен таныстырды. Студент Орынбасар Бекарыс музей экспонатындағы домбырада күй шертті. Музейдегі жинақтар заманауи технологиямен жасалғандығы мол ақпараттар берді. Студенттер орталықтың көпбейінді залдарымен танысып, естелік фотоға түсті, танымдылық әсер алды.

Қазтұтынуодағының жоғары колледжінде «Жаратылыстану пәндері-кәсіби шеберлікке қадам» тақырыбында жаратылыстану пәндері апталығы аясында колледж педагогтарына арналған «Қиын тақырыптарды меңгертудің заманауи әдістері» тақырыбында, химия пәнінің педагогы Ш.С.Сембаеваның ұйымдастыруымен семинар өткізілді. Семинарда Блум токсономиясы мен STEM әдістері туралы мәліметтер беріліп, педагогтар STEM әдістері бойынша тәжірибе мен шығармашылық қабілеттерін қатар дамытатын тапсырмалар орындады. Семинарда LearningApps платформасымен тапсырмалар берілді,phet simulation виртуалды лаборатория, Molview.org платфомасында молекула модельдерін 3D форматта құрастыру көрсетілді. Семинар соңында кері байланыс жүргізіліп, қатысушылар жылы лебіздерін білдірді.