03.04.2025 жылы Қазтұтынуодағының жоғары колледжінде Жұмысшы мамандықтар жылы аясында өткізілген «Менің мамандығым» атты бейнеролик байқауының салтанатты марапаттау кеші өтті. Аталған байқау жұмысшы мамандықтарының беделін арттыру, олардың маңыздылығын көрсету және жас ұрпаққа кәсіптік бағдар беру мақсатында ұйымдастырылды.

Байқауға колледж студенттері белсене қатысып, өздерінің шығармашылық жұмыстарын ұсынды. Әрбір бейнеролик қатысушылардың кәсібіне деген сүйіспеншілігін, мамандықтың қоғамдағы маңыздылығын және оның болашаққа берер мүмкіндіктерін көрсетті. Қатысушылар еңбек адамдарының күнделікті өмірі, олардың кәсіби дағдылары мен қоғамдағы рөлі туралы бейнероликтер әзірлеп, қазылар алқасының бағасына ие болды. Марапаттау кешінде жеңімпаздарға Диплом мен ақшалай сыйақы сертификаты табысталды. Байқау қорытындысы бойынша келесі студенттер жүлделі орындарға ие болды:

Бүгін, 2025 жылғы 3 сәуірде, Астана қаласындағы №38 орта мектебінде Қазтұтынуодағының жоғары колледжінің оқытушылары кәсіби бағдар беру сабағын өткізді. Іс-шара “2025 — Жұмысшы мамандықтар жылы” және “Профильдік мектептер” жобасы аясында ұйымдастырылды.

 Сабақ барысында оқушылар тамақтану индустриясы кәсіпорындарының жұмысымен танысып, олардың құрылымы, өндірістік цехтар, жұмыс орындарын ұйымдастыру және ашытқылы кулинарлық өнімдерді дайындау технологиясы туралы білім алды.

“Біртұтас тәрбие” бағдарламасы аясында “Заң және тәртіп” бағыты бойынша Астана қаласы «Байқоңыр» ауданы ПБ ЖПҚБ УПИ ЮПБ полиция майоры О.Қ. Татипанова және Астана қаласы «Байқоңыр» ауданы ПБ ЖПҚБ УПИ ЮПБ жедел уәкілі полиция капитаны Н.Б. Ильясов алдын алу іс-шарасын жүргізу мақсатында «Жасөспірімнің құқығы мен міндеті», «Суық қару», «Бопсалау», «Әкімшлік жауапкершілік», «Құқық бұзушылықтың алдын алу», «Буллинг», «Киберқауіпсіздік», «Нашақорлықтың алдын алу» тақырыптарында Астана қаласы Қазтұтынуодағының жоғары колледжінде 1 курс студенттері арасында дәріс өткізді.

«Жошы хан. Ұлы Ұлыстың билеушісі»

2024 жылдың наурыз айында Президент Қасым-Жомарт Тоқаевтың төрағалығымен Атырау қаласындағы Ұлттық құрылтайдың үшінші отырысында «...Жошы әулеті 6 ғасыр бойы Орталық Еуразияның тағдырына тікелей ықпал етті. Биыл Жошы ұлысының негізі қаланғанына 800 жыл толды. Бүгінгі жиынымыз да осы мерейлі белеске тұспа-тұс келіп отыр. Жошы ұлысы Қазақстанның мемлекеттілік дәстүрінде айрықша орын алады. Еліміздің өткені, бүгіні мен болашағы оның тарихи мұрасымен тығыз астасып жатыр. Ендеше, Алтын Орда туралы халықаралық аренадағы түсінік Қазақстанмен тікелей байланысты болуы керек», – деді Президент. Сонымен қатар, Мемлекет басшысы Қазақстанның жеті томнан тұратын жаңа академиялық тарихын жазу жұмыстары жүйелі жүріп жатқанын хабарлады. Бұл іске 250 ғалым, соның ішінде 60 шетелдік маман атсалысып жатқанын, аталған еңбектің дербес бір томы Жошы ұлысына арналатынын айтты.